9月22號(一)今日返到公司已經聽到JM 0係度”唉聲嘆氣”......

一齊出去之後，佢話上個禮拜五MK同C APPRAISAL，講我地D野，星期六晚C已經打俾JM講，JM講完問點解我咁平靜，係，我都唔知點解，今次聽到好似冇乜野咁，可能已經習慣左啦，同埋仲有咩講，黎黎去去咪講0個D，再加上我開始得閒，一早預左會俾人捉返呢一年既錯處，甚至再之前既錯處，因為年年都係咁，不過估唔到係MK出聲，C話會同我地各人開一次會，之後四個再開一次，我問點解要各人開一次(講既野根本都係0個D)，C話驚我地唔開心，黎黎去去咪驚一個唔開心，我同JM不嬲都唔開心啦，上晝C同AL開完，本來下晝同我開，後尾大家都忙，就話聽朝開。LUNCH 我、M同JM出去食，講返MK同C講既野，都係0個D，態度唔好，俾人勁話我地，最攪野係問點解C唔同我地一齊食飯(C係帶飯既)...今日六點幾，無端端一號風球，個風叫”黑格比”。

9月23號(二)今日上晝到同我開，一入去C就笑，話都知咩事啦，MK提出幾點叫我地改善，話如果唔係就同SALES一樣每個月開一次會，要提高服務質素，無論對內同對外都一樣，因為今次多左一樣野，係我地公司都有人投訴我地，咩唔會係一個，一衰就成行(C、JM、AL同我)，佢話如果朝早執貨忙，就婉轉D同佢地講，暫時未得住，出晒貨先幫佢地整，根本唔係婉唔婉轉問題，係大家有眼睇，佢地出左E-MAIL就要即刻做，執緊貨時係唔會睇E-MAIL，你要投訴都冇辦法，事實上係咁就係咁，本身C冇講邊個，後尾又係指名話係笑生-笑面虎先生-AC，係人都知啦，成日扮晒野入MK房講野，成日係要跟住我地食飯，話約左人都要跟黎，臉皮又係厚過腳皮，令我諗起舊公司一個同事，佢個朵叫做”虛偽”，話MK唔鍾意我地咁早走，我地唔係早走，我地係收六點架，只不過你返黎已經四點幾，出黎問野時已經成六點，我地要收工都好正常，我問咁之前我地夜走又點計先，C話MK又會覺得我地點解要做到咁夜，點解唔係辦公時間做晒D野，喂，如果辦公時間D客唔會打電話黎，唔駛服侍班大哥，咁一定做得晒，問點解有D咁早走有D咁夜走，我直頭問，咁係唔係每日要四個拖住手走先得呢?不過，呢一點C自己已經講左話寫明我地返九至六，因為C通常都係第一個走，除左近排冇乜野整，我同JM同M係第一堆人走，態度唔好呢家野，我承認，因為有時真係好煩，同埋鬧都係收線先鬧，我話所以我依家咪唔出聲囉，我講野天生咁大聲，細聲係冇人會聽到，呢樣野JM同M就最清楚，因為我一細聲同佢地講野，佢地就一味0係度問”咩嘩”，唔出聲感覺可能好D，起碼佢地可能會覺得冇咁嘈卦!大約係講呢D啦!!出到去一見到AC，我個人就係咁衰，唔妥係會擺0係塊臉度，不過AC都知道咩事啦，無論做野定食飯，大家都唔同左，同埋有時會聽到C話我地係咁冇禮貌喇之類既說話。

今日唔知幾點掛左三號，好似四點幾話兩個鐘頭內會掛八號，好在今次MK 0係度，佢話可以走先，驚我地冇車搭，如果唔係，又好似上次咁成三個鐘先返到屋企。因為公司有老鼠，0係JM個位附近，好攪笑，只係佢個位，之前0係佢枱食朱古力，今次食蕉，事緣我地收工後，清潔亞姐放左每人一隻香蕉0係我地個位旁邊，第二日返黎只有JM  0個隻有俾食，我同AL個隻冇野，我個隻仲不知幾靚仔，所以走之前要整好D老鼠膠先走，返到入去差唔多六點，都未掛八號，好似六點鐘先掛。

9月24號(三)今朝六點幾起身，見仲係八號就再訓，七點幾醒左已經三號，依家已經唔會好似以前咁擒擒青趕返去，我地仲食埋早餐先返去，返到去以為已經捉到老鼠，原來係工程0個便亞頭-EY拎走左，佢話我地咁擺係捉唔到，講起EY，之前我地同佢都幾好傾，但近排因為AC，令我地同佢大家真係唔同左，唔識講，因為AC亦0係MK面前講EY攬住個客D野唔放出黎，我唔鐘意呀，唔鐘意AC，有時會諗返，之前0個個講完又訓，訓醒又問既EC，雖然有時會令人好激氣，但總好過對住依家呢個成日篤人、陰陰濕濕既笑面虎，唔知佢邊句真邊句假咪最多唔聽佢講野囉，但依家成日好似要好小心咁，盡量避免又俾人暗算，雖然根本做樣樣野都有機會，但都希望可以盡量避免少一點呢D野發生。

9月25號(四)尋日再放老鼠膠，今日真係捉到一隻”小米奇”，管理處D人拎左落去玩。之前C話趁今日同聽日MK唔係度，我地開一次會，唔明點解要趁MK唔0係度先開，呢兩日係公主定王子出世既日子，事頭婆生得喇，肯定我地都又排煩，今日我地呢一行四個開會，都係講同我地各自開既時候一樣，不過開左等於冇開，所以冇乜野好講。