今日下晝唔記得三點幾定四點幾，有個”小人”打電話黎搵會計L，我聽左呢個電話，無啦啦就成為被”小人””祭祺既對象。內容如下：
我 ： (公司名)
小人 ： L
我 ： L今日放假喎!
小人 ： 咁...你係邊個呀，可唔可以講俾我聽
我 ： 亞V
小人 ： 你係亞V，我係關太，你聽電話既態度，可唔可以唔好咁，你咁樣係屋企就得，依家唔係0係屋企.....(跟住一輪咀0係度鬧)...有冇人同你講過你D態度唔好
我 ： 冇 (0個時當然有都答冇啦)
小人 ： 冇，咁你叫L聽
我 ： L今日放假
小人 ： 咁叫C聽
我 ： 等等
佢同C傾完就飛返俾我聽
我 ： 喂
小人 ： 你自己醒定D呀，我同你講，唔好俾我捉到下一次
我 ： 啊
跟住佢冇野講，我又冇野講，DEAD
AIR左一陣，佢話唔該就收左線。
收線後，我就話”痴X線”......
會計S就問C係唔係事頭婆，C答係，之後問我同佢講左D乜，我話公司名同L今日放假喎，C就0係度笑，我話我今次都係第一次聽佢電話，C話佢話已經好多次，唉，亦唔想再討論係一次定幾百次，C同會計S就開始0係度講，佢今次真係好惡喎，(每一次C同事頭婆小人傾完電話都會話佢好惡，但今次佢加埋真係好惡呢幾隻字)，我話炒我囉，橫掂我都唔想0係度做，但記住補返晒D錢俾我，唔係就勞工處見，C叫我振定D，本來忍到，但會計S講左一句話我好慘之後，唉，極度眼淺既我開始忍唔住，到笑生同AL食完野返黎，M叫我出去食野，叫我唔好衰俾人睇，跟住就同M出左去，M話聽住我聽0個個電話，冇乜野，佢話頭先會計S仲講左句我係聽唔到既，佢話叫我咪當中六合彩囉，我真係覺得呢間公司好多人都有病架，俾著係你地，我諗你地都絕對唔會係當中六合彩囉，傾左一陣，鎮定左就入返去，我地出去0個陣，佢地肯定又再討論，因為連AL同笑生都已經知道左件事，我已經講左唔聽電話，四點幾定五點，條八婆又打黎搵C，C就話大獲喇，跟住就勁搵返我D假紙，話一陣上黎，我整完野就即刻執返我自己D野，準備俾人炒，我講笑咁話費事一陣佢上到黎搵人帶走我，唔俾我拎返自己D野走，C又係講句，唔好咁啦，佢個仔AL又答一句，係囉，邊又咁易，佢地講既野我唔知真心定假意，但呢一刻你地講既野我都覺得好假囉!講真呢單野對我黎講有唔開心都有開心既，唔開心唔駛講啦，開心既係終於唔駛再留0係度，再掙扎走定唔走，為邊個而唔走...我呢個有妄想症既人，直頭諗埋聽日開始唔駛返可以去邊度玩，又諗到佢地唔補晒D錢俾我，而我去勞工處告佢地既情況...
條八婆五點幾先上到黎，望都冇望佢，費事又見到一隻傻豹(佢每次都著到十足十一隻傻豹帶住一個大烏鷹太陽眼鏡)，本來已經想出去，但AL同笑生出左去，C又同傻豹入左房，C出到黎，成塊面係紅晒，紅到好似就黎爆炸咁，中途傻豹走出黎問C，經理今日去左邊，C話去上晝去”V老篤”，下晝去另一個客度，其實今日經理上晝出完去，係返左公司做左D野，到下晝先再出去，傻豹問塊BOARD冇寫，C話擦左，佢問咁邊個睇到，有冇人睇到先，C冇出聲，傻豹叫C聽日再同D SALES講唔知乜野(聽唔到)，跟住停左陣話唔該就入左MK房，到夠鐘收工，我問C佢會唔會搵我，C叫我走啦我就同M一齊走，同M吹左一陣水就走，JM今日放假，之前佢SEND左信息問我有冇事，叫我打俾佢，我打俾佢同C傾緊，JM再打俾我講返頭先D野，話傻豹捉C入房係逐個數，呢個又話點，0個個又話點，JM話佢知道我地D野知得太清楚喇，我話可能佢老公MK日日同佢講呢，JM話係好多野MK都唔知，但佢就知，咁真係解釋唔到喇，JM話D人成日分唔到我同佢電話裡頭既聲，話其實成日聽傻豹電話0個個係唔係佢，我話唔X知係佢定我，依家佢係話我，我亦有諗過係唔係又係笑生篤，因為每日0個個時候佢都唔0係公司，今日佢居然0係度，同埋有好多野解釋唔到，後尾知道個電話飛俾C聽時，傻豹問C我對亞媽會唔會係咁，我話唔知BOR，我亞媽都唔0係度，M同JM就話對亞媽先會0係咁，咩唔好煩啦，講粗口TIM呀，咁又係，我同屋企人大家都成日係咁，呢D先係我地既溝通方式。
但我有樣野，我絕對唔係”奇視”人，不過真係好唔明，傻豹本身係一個孤兒，孤兒D性格唔係應該好純...唔知點講，但佢呢個人無論外表，性格、修養....都唔似囉，仲話做唔知乜野律師，當佢叫我醒定D既時候，我即刻諗起古惑仔既戲，俾人凶既年代。
我承認我不嬲既態度係唔好，我天生就係講野冇尾音，叫我自己扮到欺文溫柔咁講野，唔好話旁邊既人會笑，我自己講完都忍唔住打冷震，我一直都知自己講野時好”倔”，我0係聽公司電話既時候，真係有扮到好似好開心咁，0係我自己既角度，我係已經有少少努力過，可能大家唔知道，但如果要我再扮到好似發姣咁既聲，SORRY，我真係做唔到。
我知道今次好明顯唔係呢個原因，只係公司極度唔掂，想搵藉口炒人唔賠錢，我做左兩年幾，態度唔好亦唔係今時今日，你話我聽你電話亦唔係第一次，咁點解到依家先講，唔係第一、二、三...次已經要鬧啦，可必等到好多次之後呢??我只係覺得你根本想搵人”祭祺”，個對象係我啫，如果用呢個理由黎炒我，我一定唔受，希望你盡快諗到第二個理由啦!
