好喇，玩左幾日，係時候報告返之前發生既野喇......

接完傻豹個電話之後，18號0個日我老細MK冇返公司，19號(五)下晝有返黎，亦感覺到佢0係度眼望望......

好似到22號(一)MK叫左C入房，因為今日AL放假，我要出去送貨及幫會計部去BANK，到三點幾我預備出去，C講緊電話都要叫住JM叫我唔好出去住，以為又要幫C寄信或買雪糕之類，原來錯晒，當C叫我入房傾時，心入面已經知道要”祭祺”，C話上個禮拜發生左咩事唔駛講啦，依家佢地問想炒我定好來好去我自己走，我話我一定唔會自己走，因為啖氣既問題，用第二個我受既原因我還可能接受，C冇野講，DEAD AIR左一陣，C又不停咁話唔係幫晒公司之類既說話，話同會計L都幫我計過，同佢玩大去係冇著數，遣散費又會0係MPF度扣返之類，後尾我唔知問乜，C唔識答，就話叫埋會計L入黎傾，L入黎就同我解釋，佢幫我從兩方面去大概分析，但當然從公司方面係多好多，0個一剎那，我只係覺得L同C都好假，後尾知道佢地兩個係有真心諗住幫我，0係呢度，同L及C講聲對唔住，自己都係太過小人，最開心係連L都話覺得我今次冇乜錯，亦傾過可唔可以用一封WARNING LETTER就攪掂去，到最後我都係話諗下先，之後我就出街，打電話問人，大部份都叫我算啦，係為左一封好睇D既離職信，都有一、兩個叫我玩大去既。

到23號(二)C又問我諗成點，其實都冇真正諗過，只係打左D電話同人地討論呢單案情，其實我都好想快D解決，好似令到大家都好煩，SORRY，C問駛唔駛叫會計S入黎同我傾下，因為佢成件事完全係一個第三者，我話唔駛啦，費事煩，成件事已成定局，只係兩樣野揀啫，都係我決定，我依家已經唔會聽電話，又唔想成日佢地同D客傾緊都要叫人地等陣而再去接電話，我就好得閒咁坐0係度，自己都唔好意思啦，後尾決定用L同C既方案，同MK講做到一月過年前，但出晒一月成個月既糧、DOUBLE PAY同埋一封STANDARD既離職信，但我話我唔係信唔過MK，係信唔過佢老婆傻豹，我驚佢又玩野，我只係要求加多一樣野，就係0係我遞信前叫佢出幾隻字，一定會有以上三樣野我先肯自願離職，同埋若果傻豹再同我傾我就唔會，不過C都話唔會喇。下晝MK返黎，C同佢傾完又同我傾，話大家都唔需要通知期，叫我做埋今個月，正常咁出糧連DOUBLE PAY，有信，問我肯唔肯，我話問下人先，問完我就話OK，唔知點解，個一刻成個人鬆晒，仲有D開心TIM。

C今日放假(24號)，尋日已經叫我將自己做開既野教佢地做，呢個就係問題喇，因為之前MK要我地清假，由今日23號一直到31號為止，我地真係四個都要返工既只有一日時間，即係真正既交接期只有一日，唉，我唔想我走左之後又係只得JM一個人做晒我D野，所以我等AL同JM兩個都得閒我先講，基本上AL無時無刻都可以得閒，只係JM做自己D野又要做埋C既野，但JM叫我講左俾AL先，我話咁樣你會做死，佢話都冇辦法，就算之前兩個都一齊講既野，我問完佢地明唔明，AL話明，之後AL都係問返JM頭先D野你明啊，根本AL就冇諗住會做，因為假期完又到AL放假，冇辦法之下都係要講晒俾AL聽先，但人地肯做幾多真係管唔到喇，亦唔到我管啦。

離開呢間十九公司，最擔心既就係兩個同我比較FRIEND既八婆，M都可以唔駛咁擔心，因為佢都已經決定攞埋DOUBLE PAY就會走；另一個JM，一個肥朱王已經恰到佢日日發癲，若然平時肥朱王叫我做既野，都叫埋JM做，我真係唔敢想像。努力呀!!兩個八婆，唔係，係三個，加埋我，三個八婆，一齊加油，一齊努力!!!

多謝各位曾經真心關心擔心過我既人，我同你地講，我冇事，比之前個人仲輕鬆開心得多，我寧願發生一件咁既事，都唔寧願留0係呢間已經人心惶惶既公司，雖然確實有唔開心過，但依家真係冇野喇，只係有D唔捨得D人啫，自己口口聲聲話唔鍾意呢間古古怪怪既公司，畢竟0係呢度做左兩年幾，自己又係一個極度眼淺既人，希望走0個時忍得住啦，0係呢度，破例公開名黎多謝各位曾經幫過我、教過我......既人(排名不分先後呀)...Joe Ma、Money、Sally、Vincent、Brian兄(0係我初初黎既時候，同我第一個傾偈既人)、Ping、Sum、Ting、Kei(第一個肯理我同教我野既人)、Marco、Eric Ip、Joe Chan...呢一堆都係同我比較0岩傾或者工作上比較多接觸既一班，另外仲有一個Keith，雖然都唔係好熟，但佢亦係一個好人，當然唔少得已經走左既黃生同Penny啦，全部真係多謝你地!!

至於朋友、家人0個堆，相信唔駛多講，都係0個句，大家一切在心中。