12月29號(一)今日下晝MK返黎，唔知幾點，0係度行黎行去，幾轉之後，終於出聲，揮住手咁叫『各位同事，請各位入一入會議室。』......

佢揮手既方向係包括我，我即刻問其他人我入去仲咩呢?入到去，個個都一味行到好入，又0係度笑，跟住MK出聲，佢一出聲我就望一望佢，而我估計，佢今日應該冇吹頭，好亂，佢話『公司今年既生意跌左30%，大家都知唔知咩經濟唔好，所以我首先將自己既人工減一半，另外，呢度有份合約，同你地之前0個份一樣，只不過係講從09年開始冇左DOUBLE PAY，但BONUS會有，佢都唔想，希望公司都可以捱落去。』大概係講呢D野，都唔係好記得，之後就好似小學生派卷咁叫名出去攞，叫到三、四個之後，我忍唔住問MK我係唔係唔駛，佢話係我就出左去，唔問就企到最尾先出去。出到去我覺得好多餘囉，我入去都唔知仲乜，好似突登講埋俾我聽公司有幾唔點咁，無謂囉!!

12月30號(二)今晚JM、M、供應商0個便既K及工程部亞頭EI同我食飯，JM、M同我收工就過去等K，我地預左EI唔會黎，所以都冇等佢，我地就食，食到大半，EI黎到，大家即刻冇咩野講，因為本身我地四個乜都講一餐，同EI就要就住就住，咁唯有想專攻EI，但EI並未妥協，問乜都唔講，問乜都係笑，証明佢對公司黎講，絕對係一個好既管理人員，原來佢知道我俾炒，但並唔知道當中係發生一件”小人事件”，不過，算吧啦!當問佢仲有邊個會俾炒時，佢講左句，聽日你地咪知囉!証明都仲有同事會俾祭祺啦，食完佢車左JM同M返屋企，就車我同K返新界區，中途K話請我地食糖水，食完就車我地返去。

12月31號(三)其實0係尋日已經收到少少風炒多一個，今日証實左，0係負責大陸工程部既O，數起上黎，我應該唔算第一個，第一個係負責夜晚清潔既水姐，我屬於第二個，第三個係O，上晝我打俾佢諗住叫佢落黎食飯傾左幾句，唔知點解，一聽到O俾炒，我覺得好慘，人地做左咁多年，仔細老婆又嫩，唉!仲唔開心過自己俾炒，下晝JM、C、會計S、工程部T同我食飯，下晝又有工程部請飲茶，實在多謝晒!!連PC都話同我食，不過佢要出街，好意外，今日有幾個都知道我被炒，佢地又想問又好似好驚咁，我見到工程部另外一個亞頭JC一見到我就嘆氣，佢望我既眼神，我覺得自己好似一隻被遺棄既流浪狗，之後佢地都忍唔住問我幾句，都係0個D有冇錢補俾我之類，今日公司一共裁左六個人，因為尋日MK約左水姐今日上黎講，五點度，我同JM一見到水姐已經唔敢望，水姐仲照做野，JM直頭已經忍唔住，到水姐入MK房，有人聽到水姐同返MK講，唔緊要啦，做生意係咁喇之類說話，後尾先知原來水姐已經喊緊，到佢地同水姐影完相叫我影既時候，我已經打俾K扮傾電話，一去影我就忍唔住喊，講左句因為我都係，其實都唔知自己講乜，本來我只係同水姐影左幅，點知M同JM兩條八婆又話同我影，我話唔好會喊，最終影左，本來影兩、三張就算，點知工程部兩個亞頭又話影，一路忍得好辛苦，影下影下全部0係公司既人都影晒，除左肥朱王同MK，因為佢地0係房，到走既時候，本來好堅決唔會同MK講BYE BYE，後尾都有講。

之後我發現原來自己都好唔捨得呢間公司好多人，畢竟已經0係度做左兩年幾。

學某人話濟，今日係2008年最後一日，亦係我0係呢間公司既最後一日，2008年12月31日呢一日係好值得紀念!!