上個禮拜決定左試下搵工之後，唔知星期四定星期五開始SEND CV出去......

SEND出去大部份要求人工都俾以前0個份高，諗住試下有冇得見，自己一直想做關於GARMENT既野，因為之前諗住走時都睇過，呢行好似多D公司請，又多D野學，依家大過左個人諗D野真係諗得遠左，會計返好多之後好多野，自己咁大個人都好似冇一樣野算係專業，只係做過印刷同電子呢兩行，兩樣都係識得好少好少，只係有D所謂文職既經驗，呢D基本上每間公司都有，根本冇用，只係覺得一直咁樣唔係辦法。可惜以上兩種都冇，原因梗係冇學歷又冇經驗啦!!之後只係想搵份有D野學既公司，要求人工低到已經係我既底線，其實亦係想搵到工有藉口唔駛過澳門幫姑姐間公司啫!

我亦算好彩，呢個禮拜已經見左幾份工，詳情如下：

1. ASSISTANT MERCHANDISER

- 電子，做既野同以前SALES COORDINATOR一樣，不過專做玩具，上去面試有考打英文同中文，有五條問題考英文......面試時間大概20分鐘

我覺得請我既機會率： 0%

(問我識唔識工程既野，我唔識)

我想做既機會率： 0%

(我見到個環境有太多人，唔多鍾意有咁多人既公司...)

2. ASSISTANT MERCHANDISER

- 金屬用品，由收到圖至完成交易，一個人跟晒，當中包括SHIPPING同ACCOUNT，有時需要上大陸教國內同胞文件上既野......面試時間大概45分鐘

我覺得請我既機會率： 70%

(因為再之前份工寫左我識ISO既野，佢地依家要搵識ISO野既人，不過後尾我都講左我唔係好熟，都幾驚呀!另外，個女既見完同考完我，即刻CALL左佢老細返黎見我，個老細表面話我OK，但都要等一個禮拜通知，返工都係過年後)

我想做既機會率：  95%

(我鍾意呢D乜都自己跟晒，自己乜都清楚，唔駛煩)

3. CLERK

- 玉器寶石公司，面試有封信要翻譯做中文，考中文打字...... 面試時間大概25分鐘

我覺得請我既機會率： 40%

(翻譯信之中有好多對我黎講係專業既名，我唔識譯返做英文，照寫返14”綠寶石 / 16”藍寶石之類，我覺得都幾攪笑)

我想做既機會率： 50%

(如果依家做返CLERK，第時條路會更難行)

4. CLERK

- 食品批發，幫客落單打下單之類......面試時間大概25分鐘

我覺得請我既機會率： 95%

(做最普通既野，做左咁多年野應該冇問題既)

我想做既機會率： 50%

(其中一個原因同上一樣，另外呢間公司一年三百六十五日都有人開工，大時大節如要放假要提早申請，同幾個同事夾返邊個放，同埋返得早放得夜)

5. ASSISTANT

- 電子，面試有幾題考SHIPPING、幾題考ACCOUNT、幾題考中譯英、幾題英譯中，見工全程講國語，問左好多野，遇到某D問題要點做之類，都幾驚!...... 面試時間個幾鐘

我覺得請我既機會率： 80%

(見我既兩個人表面都話我OK，唔知真定假，但都要等通知，返工都係過年後)

我想做既機會率： 100% (嘩!超想做呀!)

(我覺得有好多野學到，同埋主要老細係台灣人，依家好怕D香港人既老細)

6. SHIPPING CLERK

- 呢份本身都係試下，不過好古怪，SEND左RESUME唔駛見工，0係電話話請我，但人工係我底線仲要低好多，所以冇應承。

今日(1月15號)收到電話，4. CLERK請我，叫我聽日返工，依家都唔知點好，大部份人驚我咁長時間捱唔到，連屋企人都係咁講，驚我身體支持唔到，唉!!點好呢??