各位同學，又一個禮拜喇!等我又報告下我既近況......

話說之前15號收到電話叫我16號返工，最後因為自己身體問題，屋企人同朋友既勸告，就冇返呢份工，可能呢間野太等人用，打左好多次電話俾我，都幾煩!!之後再SEND出去既都係要求高D人工，諗住試下有冇機會，可能乜都SEND一餐，未做過又SEND、冇經驗又SEND，換黎既結果只係一、兩個電話打黎，問以前係做邊行，因為冇經驗，所以人工又去到我既底線，結果一直都冇去見。

一直等我想做0個兩份，一直都冇電話，已經諗住過完年先再搵，點知1月20號收到一個E-MAIL，話我香港0個關PASS左，依家等台灣0個關，呢份係我之前話100%想做0個份，[5. ASSISTANT - 電子，面試有幾題考SHIPPING、幾題考ACCOUNT、幾題考中譯英、幾題英譯中，見工全程講國語，問左好多野，遇到某D問題要點做之類，都幾驚!...... 面試時間個幾鐘，我覺得請我既機會率： 80% (見我既兩個人表面都話我OK，唔知真定假，但都要等通知，返工都係過年後)，我想做既機會率： 100% (嘩!超想做呀!)(我覺得有好多野學到，同埋主要老細係台灣人，依家好怕D香港人既老細)]，冇錯就係呢份，雖然人工唔係高，但係真係應該會有野學到囉!不過之前見既時候，佢地話要過完年返工，依家要等佢地台灣總公司2月中開完會先有消息，希望可以趕得切三月前啦，不過收到呢個消息，總算平淡之中有D曙光。

我離開舊公司之後，亦同JM、M見個面同食飯，聽佢地講既野，都替佢地覺得好滾，主要都係公司既人，亦令到一D唔想再發生既野再發生多一次，唔明點解有D咁既賤人，大家都係打份工啫，點解要做到咁呢??JM同M走左或者公司執左對你地三個有咩好處先???好憎呢D咁既人!!!點解同一間公司既人，唔可以一齊努力為呢間公司，基本上你地三個既職位係冇衝突，但係你地既行為，做到另一樣野，你地三個都係...賤...人...同”百佳”，實在恭喜晒。

呢段時間，搵返D好耐冇見既朋友食下飯吹下水，其中有一個不可不提，呢個真係好耐好耐冇見喇，同佢傾完，自問已經被舊公司訓練到都幾平常心，被自己既人生經歷訓練到好化既我，同佢比起上黎，真係覺得自己根本未夠班，雖然一直覺得做人太化係唔好，但從另一方面我覺得對我既性格黎講絕對係一件好事，起碼唔會成日為一D好小既事而唔開心，當我問佢點解可以做到咁，乜都激唔嬲佢既時候，佢既答案係”當經歷過好多唔好既野既時候，已經冇野可以打低佢”，咁樣究竟係好定壞呢??我唔知，只係覺得對某D人黎講係好(包括我)，對某D人黎講係唔好。我幾時可以去到佢咁既境界呢??

UPDATE完呢篇之後，應該過年後先會返黎喇!

各位同學，在此預祝你地新年快樂!!一年好過一年啊!!!