返左呢份工都成三個禮拜喇，之前都係做緊一D SHIPPING既野，佢地有個表，係講我幾時開始要做D乜野......

依家開始要做D會計既野，之前係話半年時間我學同做晒SHIPPING野，半年後開始學採購，到時就請人返黎跟SHIPPING，我做採購，我老細就開始進攻香港同大陸市場，依家好似縮短左，可能三個月後或更短既時間我就要學做採購，SHIPPING既野都開始上手，只係”三角貿易”都仲係唔多點，同事教我都係用國語，自己又未真正學過國語，有時真係唔多明，自己又未可以用國語講到個問題出黎，我D表達能力咁差，白話都講唔出，可況國語，有待改進!另外，有D韓國同事，之前已有人叫我對佢地要小心D，因為同佢地0係溝通上有好大問題，我老細話因為佢地都係0岩0岩畢業出黎做野，好多野唔識分輕重，樣樣野都攪到大家好緊張，叫我都唔駛咁緊張，我老細直頭話佢地煩，有時佢地MSN我地問野，我地冇即時覆佢，跟住電話就響，冇人聽都唔會收線，要打到有人聽為止，明符其實既”奪命追魂CALL”，既然我老細咁講，我好多時都唔係點理佢地，我只理台灣0個便多D。

講落好似好多野做咁，其實唔係咁忙，仲可以HEA下，相比以前公司，呢度係好得閒，可能呢度同客溝通都用MSN同SKYPE，唔駛下下等人覆E-MAIL，慳左好多時間，因為用MSN既關係，可以明正言順同FRIEND吹水，用SYSTEM時又可以明正言順上網，因為依家香港公司只得我同老細兩個，有時佢出左去，我仲可以落街買TEA食，有日佢出左去，我仲見到佢同大老細0係我見工時，佢地寫0係我份CV上面既野，見到每個人見工份CV上都有一個分數，我居然有八十幾分，有D九十幾分，睇返0個份見工試卷，SHIPPING同A/C我都唔合格，中譯英勉強合格，反而英譯中一百分，我都覺得好奇怪，亦覺得自己都幾好彩，最攪笑佢地寫我健談、開朗，我真係唔覺囉，估唔到台灣人見工只係靠見面時既第一個感覺。

做左兩個禮拜度既時候，台灣個大老細打黎話同我傾偈，佢形容自己係0個日同我見工0個個瘦瘦、四眼、帥帥的，問我做成點，我話暫時OK，只係”三角貿易”令我好亂，佢叫我慢慢黎，因為呢D比較複雜，正常做耐左先會學，又話因為我係佢地請既第一個香港人，好多香港要有既福利佢地唔知，之後佢地會計返俾我，叫我唔駛緊張，我諗唔到係咩，唔通佢話MPF，MPF對我黎講並唔係福利，係多餘，錢我唔識自己儲咩，駛鬼佢地幫我儲，不過台灣人有既公司福利，我暫時知道唔知一個月有幾多飯錢可以CLAIM，有一個叫唔知咩運動費，我老細仲叫我去學瑜珈，如果我落樓下跑個圈，對我黎講都係運動，唔知有冇呢??