之前約左舊公司JOEMA、MONEY同供應商0個便既KAVEN食飯，本身我地四個好多時乜都講一餐......
點知出到黎時發覺JOEMA對KAVEN既眼神有D迴避，睇呢D野我覺得我係好醒架，後尾知道JOEMA同KAVEN今日因為一D工事上既野有D爭執，中途我各自同MONEY及JOEMA出過門口食野，我問佢地點解下晝MSN唔講，咁就可以扮取消，我地三個自己出黎，總好過依家好似好尷尬咁，佢地話費事，KAVEN唔同我地，以前我同JOEMA兩個 0係公司點嘈完，好快大家都冇野，仲可以攞返出黎講，同KAVEN始終唔同一間公司，有好多野係真係有衝突，只係我地大家好多時唔想承認，但今次真係冇辦法，算係大家好敷衍咁食完就散，我地三個本來想搵地方再坐，後尾0係街吹左陣水，諗住約下一次再講就走，MONEY已經有工可以試，恭喜晒，即係佢已經定左，一定會走，而問JOEMA，佢話未搵工，我只係覺得佢一日留0係度一日都好難搵工，如果MONEY走埋，佢俾人恰到上心口，都冇人可以陪佢出去食野喇，情況令人擔心，呢個問題唯有下次見到再傾。
亦約左再之前舊公司既人食飯，出席既人有KAKA、POPO、泉、威、AMY、NANCY、JACKY、多多、WILLIAM、IVY，以前呢班癲癲喪喪既人，好聽D就係因為時間既洗禮大家都變得成熟左，唔再癲唔再喪，唔好聽係因為大家已經唔係一齊做野，唔係成日聯絡，令我覺得大家既關係已經唔同晒，冇左以前食完飯成班要去食下糖水之後再去公園吹下水，吹到唔願走既0個種感覺，有D唔開心，呢班以前曾經0係一間咁既公司出生入死既一班人，每日打交打過唔停，飲酒飲過唔停既一班人，依家大家都各自有各自既世界，其實另一方面都應該開心既，起碼大家到依家仲可以聯絡，已經係由一班舊同事變為一班朋友，可能未致於兩脅插刀，但大家仲可以出黎聚下，已經係一段好好既關係，每次同佢地班友出完黎，總會令我諗起以前舊公司好多野，唔知點解，到今時今日，自己可能有好多野都未放得低，唔知點解會打D咁既野，亦唔知自己想講D乜野，只係知道好希望同所有我識既人都可以永遠保持聯絡。
